Sunday, 9 November 2008

ദേശാടനക്കിളികൾ

ദേശാടനക്കിളികൾക്ക്
സ്വന്തമായി കൂടില്ല
ഇരയും തീരവും തേടി
പറന്നകലുമ്പോൾ
പിറന്ന കൂടിനും കിളിമരത്തണലിനും
അവർ അന്യരായ് തീരുന്നു
തേടിയണഞ്ഞ ദേശങ്ങൾക്കും
അവർ അന്യർ
നിലയ്ക്കാത്ത പറക്കലിൽ
കാണാൻ മറന്നു പോയ സ്വപ്നങ്ങൾക്കും
അവർ അന്യർ
ഒടുവിൽ ഒരു അസ്തമയക്കറുപ്പിൽ
സ്വന്തം നിഴലുമന്യമാകുന്ന
ആ നിമിഷത്തിന്റെ പ്രതീക്ഷയിൽ
മൌനനൊമ്പരങ്ങളും ചിറകിലേറ്റി
അവ
പറന്നു കൊണ്ടേയിരിക്കുന്നു