Monday, 20 April 2009

വെറുതേ...

കാർമേഘപ്പാളികൾക്കിടയിൽ, പാതി
മറഞ്ഞു സൂര്യമുഖം ചിരിക്കേ
ദു:ഖഘനമഞ്ഞുപാളികൾ മനസ്സിൽ
ഉരുകിത്തീരുകയായിരുന്നു, വീണ്ടു-
മൊരു സ്വപ്നമുകുളം വെറുതേ
വിരിയാൻ വിതുമ്പുകയായിരുന്നു

നിമിഷബാഷ്പങ്ങളുറഞ്ഞു വീണ്ടുമാ-
യർക്കമുഖബിംബം മറയ്ക്കേ
വിരഹമാരിയിൽ നനഞ്ഞു നനഞ്ഞൊരാ
കിനാവിൻ മുകുളം കൊഴിഞ്ഞു
വിരിയും മുൻപേയടർന്നു വീണൊരാ‍
സ്വപ്നദലങ്ങൾ പെറുക്കീ, രക്തം
വാർന്നൊഴുകും ഹൃദയത്തിൽ ചേർത്തു
വീണ്ടുമാ പുലരി തേടുന്നൂ മനം