Sunday 29 October 2023

............കെട്ടണ്ടായിരുന്നു

 

വേലികെട്ടുകാരി നീലിപ്പെണ്ണും, വേലി-

കെട്ടാന്‍ വിരുതുള്ള വേലപ്പനും

കണ്ടുമുട്ടി, മനസ്സുകൾ കൂട്ടിക്കെട്ടി.

വേലപ്പന്‍ സ്വപ്നത്തില്‍ കോട്ടകെട്ടി;

പാതിനിദ്രയിലും നീലി വേലികെട്ടി.

ഒരുനാള്‍ വേലു നീല്യേ താലികെട്ടി.

നീലിക്കായൊരു പുത്തന്‍ വേലികെട്ടി.

ഒരു കൈസഹായം കൊടുത്തു നീലി,

മൂവന്തിയോളവും കൂടെനിന്നു.

ചേലുറപ്പിൽ വേലു വേലികെട്ടി.

പിന്നൊരേ ചിന്തയായ് വേലുവിന്.

വേലിക്കുറപ്പതു പോരാന്നുണ്ടോ???’

ഇരവിലും പകലിലും ചുറ്റിനോക്കി

ഇളക്കിയുറപ്പിച്ചീടുവരുത്തി.

വേലൂന്റെ വേലീടുറപ്പില്‍ നീലി

മുഴുനിദ്രയില്‍ സ്വപ്നം കണ്ടുറങ്ങി.

വേലീടുറപ്പിനെ മാത്രമോര്‍ത്ത

വേലൂനുറക്കമോ ഇല്ലാതായി.

പണ്ടു കോട്ടതീര്‍ത്ത സ്വപ്നനിദ്ര

ഓര്‍ത്ത് വേലു പേര്‍ത്തും നെടുവീര്‍പ്പിടെ,

ആരോ മൊഴിഞ്ഞപ്പോള്‍ വേലൂ‍നുള്ളില്‍

മാരണമീവേലി..........കെട്ടണ്ടായിരുന്നു’.

xxxxxxxxxxxxxxxxxxxxxxxxxxxx


23 comments:

Jayasree Lakshmy Kumar said...

ചില ‘സുരക്ഷ’കള്‍ അത് തീര്‍ക്കുന്നവര്‍ക്ക് ഒരു ബാധ്യതായി തീരുന്നുണ്ടോ പിന്നീട്; സംരക്ഷിക്കപ്പെടുന്നവര്‍ അതിന്റെ സമാധാനത്തില്‍ സുഖമായിരിക്കുമ്പോഴും?

ശ്രീയുടെ ‘വേലി’ വായിച്ചു കഴിഞ്ഞപ്പോള്‍ എന്റെ മനസ്സില്‍ തോന്നിയ ചില തമാശകള്‍ ആണ് ഈ വരികള്‍; ശ്രീ ഉദ്ദേശിച്ച അര്‍ത്ഥമേ അല്ല എന്റെ വേലിക്കെങ്കിലും

നിരക്ഷരൻ said...

തേങ്ങാ ഞാനുടച്ചിരിക്കുന്നു.
(((((((.....ഠേ.....)))))))))

‘മാരണമീവേലി..........കെട്ടണ്ടായിരുന്നു’

വേലി കെട്ടിക്കഴിഞ്ഞാല്‍ പലര്‍ക്കും തോന്നുന്നത് അതു തന്നെയാണ്. എന്നാലും ആ വേലിക്കെട്ടിനകത്ത് എന്തൊക്കെയോ ചില സുഖങ്ങള്‍ ഇല്ലെന്ന് പറയാതിരിക്കാന്‍ വയ്യ :) :)

എന്തായാലും ഇതൊന്നൊന്നര വേലി തന്നെ. ഇനി ശ്രീയുടെ വേലി വായിക്കട്ടെ. അതിന്റെ ലിങ്ക് കൂടെ ‘ശ്രീ‘ എന്ന വാക്കില്‍ ഇടാമായിരുന്നില്ലേ ലക്ഷ്മീ. ഇനി ചെയ്താലും മതി :)

Sands | കരിങ്കല്ല് said...

:)

കൊള്ളാല്ലോ വീഡിയോണ്‍! :)
അടിപൊളി...

പ്രിയ ഉണ്ണികൃഷ്ണന്‍ said...

വയ്യാവേലി തന്നെ

Harold said...

വേലിയോ വേളിയോ?
:)

നരേന്‍..!! (Sudeep Mp) said...

vivaham oru veliyaanu...samooham namukk chuttum atichelpikkunna samskarikamoolyangalute veli...enkilum chila aswaathanthryangalute sukham athinund....enkilum chila aswaathanthryangal anivaaryavumaanallo....(oru kavitha ormma varunnu...." ente swathanthryathinu vendi ente pranayathe balikotukkan njan thayyaraanu...pranayathinu vendi swaathanthryatheyum" )


nannayittund ketto varikal...!!!

കുഞ്ഞന്‍ said...

വേളി കഴിഞ്ഞാല്‍ വേലി പൊളിയുന്നുണ്ടൊ നോക്കിയുള്ള ആധിയും വേലി പൊളിഞ്ഞാല്‍ ആശ്വാസത്തോടെ വീണ്ടുമൊരു വേളി കഴിക്കാമെന്നും ഒരുകൂട്ടര്‍..

ഇപ്പോള്‍ എനിക്കും തോന്നുന്നു വേലി കെട്ടേണ്ടായിരുന്നുവെന്ന്.

ലക്ഷ്മീ..രസായിട്ടൊ

CHANTHU said...

നല്ല വരികള്‍. എന്തു രസകരമായി നിങ്ങളീ കവിത ചൊല്ലി.
(ഈ കാര്യത്തെക്കുറിച്ചെനിക്കും കുറേ പറയാനുണ്ടായിരുന്നു. പിന്നീടാവാം)

നജൂസ്‌ said...

മാരണമീവേലി കെട്ടണ്ടായിരുന്നു.

നല്ല നര്‍മ്മം

സജി said...

ലക്ഷ്മി..
നന്നായിരിക്കുന്നു..
എല്ലാ വേലികളും വയ്യാവേലികള്‍ തന്നെ.

ശ്രീലാല്‍ said...

അപ്പോള്‍ വേലി കെട്ടാതിരിക്കുന്നതാണ് നല്ലതെന്ന് സാരം.. :)

ഭൂമിപുത്രി said...

ചൊല്ലി രസിയ്ക്കാന്‍ പറ്റിയരാഗവും താളവും.
കൂടുതല്‍ ചിന്തിപ്പിയ്ക്കുന്ന വരികളും.
താലിയും വേലിയും തമ്മിലിങ്ങിനെയൊരു ബന്ധം കാണിച്ചുതന്നതിനു പ്രത്യേക നന്ദി.

‘ശരിയായി വായിയ്ക്കപ്പെടാന്‍’ഉള്ള ആഗ്രഹം കാരണം ഞാനും പലപ്പോഴും ഇതുപോലെയൊന്ന്
എഴുതിയിട്ടാലോന്ന് ആലോചിച്ചിട്ടുണ്ട് ട്ടൊ :)

ഫസല്‍ ബിനാലി.. said...

ഞാനീ വേലി പൊളിച്ചൊരു മതില്‍ കെട്ടി നോക്കട്ടെ..

ചായമിട്ട് സ്വര്‍ണ്ണക്കവാടം തീര്‍ത്ത്
മനസ്സുകളില്‍ അതിരിട്ട് മതിലുകള്‍ മൂകം
വേറിട്ടിരിക്കാന്‍ കന്‍മതില്‍ തീര്‍ത്തവര്‍
ഹൃദയം തകര്‍ന്നകത്തിരിക്കവേ, യീമതിലുകള്‍-

Unknown said...

ഈ വേലി അവസാനം വയ്യവേലി ആയൊ
നല്ല പ്രാസമൊപ്പിച്ചാണ് എഴുതിയിറിക്കുന്നത്
ഇത് പാടാനറിയുന്നവരെ കൊണ്ട് പാടിച്ചാല്‍
നന്നായിരിക്കും

Unknown said...

എല്ലാ വി ധ ആശംസകളും നേരുന്നു പുതിയ ബ്ലോഗ് സംരഭത്തിനു ...!
ഏതായാലും ഈ വേലി കൊള്ളാം. പഞ്ഞി കെട്ട്‌ കൊണ്ട്‌ ഒരു വേലി കൂടെ പണിതാലോ ?

Jayasree Lakshmy Kumar said...

ഫസല്‍.....വേലി കെട്ടി, മതിലു കെട്ടി, കോട്ട കെട്ടി പോകുന്ന ഒരു സ്വഭീരുത്വത്തിന്റെ ചില വരികള്‍ കയ്യിലുണ്ട്.

‘വേറിട്ടിരിക്കാന്‍ കന്‍മതില്‍ തീര്‍ത്തവര്‍
ഹൃദയം തകര്‍ന്നകത്തിരിക്കവേ, യീമതിലുകള്‍-‘ ഈ വരികള്‍ ഒരുപാടിഷ്ടായി

Jayasree Lakshmy Kumar said...

നരേന്‍....ആത്മാര്‍ത്ഥമായി ക്ഷമ ചോദിക്കുന്നു. ഇനി ഇത് ആവര്‍ത്തിക്കാതിരിക്കാന്‍ ശ്രമിക്കാം. പക്ഷെ ആകെ മിസ്‌റീഡ് ചെയ്യപ്പെട്ടാല്‍...[വേറൊരു ഐ ഡി കൂടി വേണ്ടി വരും:) ചുമ്മാ തമാശ പറഞ്ഞതാ]


window....അപ്പോള്‍ മറന്നില്ലാ അല്ലേ പഞ്ഞിക്കെട്ടിനെ!! ഒരുപാട് സന്തോഷം കണ്ടതില്‍

Rafeeq said...

കൊള്ളാം.. :)
രസായിട്ടുണ്ടീ വേലി.. :)

Raji Chandrasekhar said...

"വേലിക്കെട്ടിനകത്തെ സുഖങ്ങള്‍, പരസ്പരം താങ്ങും തണലുമായിരിക്കാന്‍ കഴിയുന്നതിലെ സന്തോഷം, അതൊക്കെ ഒരു ഭാഗ്യമല്ലേ"...
അതെ, അങ്ങനെതന്നെ.

കവിത മാത്രമല്ല, കമന്റും വിവരണവും ഹൃദ്യം.

Sharu (Ansha Muneer) said...

ഒരുപാടിഷ്ടമായി ഇത്. വിവരണമൊന്നുമില്ലാതെ തന്നെ മനസ്സിലാക്കാന്‍ കഴിയുന്ന ലളിതമായ കവിത. അഭിനന്ദനങ്ങള്‍ :)

ഹാരിസ്‌ എടവന said...

താളമുള്ള വരികള്‍
എളുപ്പത്തില്‍ മനസ്സിലാവുന്ന വരികള്‍

Seema said...

ഈ വയ്യാവേലി അസ്സലായി ലക്ഷ്മി!

CJ said...

നീലി കെട്ടിയ വേലിയാരും അറിഞില്ല...