'മരണം വരെ തൂക്കിലേറ്റുക'
പരമോന്നതക്കോടതിയുടെ
വിധി പ്രഖ്യാപനം.
ദയാഹർജികൾ പരിഗണിക്കപ്പെട്ടില്ല.
ഒടുവിൽ
കഴുമരത്തിൽ
ജീവൻ്റെയവസാനവീർപ്പിനെ
മുറുക്കുന്ന കുരുക്കുമായ്,
ഭാരംതൂങ്ങി വലിഞ്ഞുനീണ്ട് പിഞ്ഞിക്കീറിയ
കയറിൻ്റെ തുമ്പത്ത്,
പൊട്ടാത്ത അവസാനനാരിൽ തൂങ്ങിയാടി,
ശ്വാസത്തിനായ് പിടഞ്ഞുപിടഞ്ഞ്,
'മരണംവരെ'യെത്താനാവാതെ,
വർഷങ്ങളെത്രയായി ഒരു
പ്രണയമിങ്ങനെ.....
xxxxxxxxxxxxxxxxxxxxxxxxxxxxxxx
No comments:
Post a Comment